Ar gyfer rhywun arall
Does dim gwahaniaeth ai ffrind, aelod o'r teulu neu ofalwr sy'n poeni am lesiant rhywun ydych, gallwn roi ichi'r cymorth a'r cyngor arbenigol sydd eu hangen arnoch o bosibl i cefnogi diogelwch a lles y person rydych chi'n gofalu amdano.
Gellir cysylltu llawer o gynnyrch â pherson yn hytrach na chanolfan fonitro fel y gellir anfon neges at rywun sydd gerllaw.
Pan fyddwch yn cysylltu â ni i holi am wasanaethau, byddwch yn siarad ag ymgynghorydd cymwys proffesiynol a fydd yn darparu gwybodaeth, cyngor a chymorth ynghylch materion sy'n ymwneud ag iechyd, gofal cymdeithasol a llesiant. Bydd ein tîm yn gofyn i chi beth sy'n bwysig i'r unigolyn yr ydych yn galw ar ei ran ac i chi. Bydd hyn yn ein helpu ni i ddeall y sefyllfa ac i lunio pecyn pwrpasol o gyngor ymarferol a thechnoleg fydd yn diwallu eich anghenion orau. Ein nod allweddol yw helpu pobl i fyw'n annibynnol cyhyd â phosibl.
Dysgwch fwy am ein gwasanaeth Delta i Chi neu am rhagor o wybodaeth ffoniwch ni ar 0300 333 2222.
Cerdyn Adnabod Argyfwng
Rydym yn darparu Cerdyn Argyfwng Gofalwyr i ofalwyr di-dâl yn Sir Gaerfyrddin, ar ran Cyngor Sir Caerfyrddin.
Mae'r cerdyn yn ddilys am 3 blynedd a gallwch wneud cais eto pan fydd yn dod i ben os ydych chi'n dal i fod yn ofalwr di-dâl.
Buddion
-
Ymateb brys Gall gofalwyr gario'r cardiau hyn ac os ydynt yn rhan o ddamwain neu'n methu dychwelyd adref i gynnal eu cyfrifoldebau gofalu, bydd y gwasanaethau brys neu eraill yn gallu cysylltu â phobl berthnasol i roi gwybod iddynt fod rhywun gartref na all ymdopi heb gymorth. (Mae hyn yn ddewisol)
Cwestiynau Cyffredin
Mae hyn yn sicrhau, mewn argyfwng, bod cysylltiadau perthnasol yn cael eu hysbysu i roi cefnogaeth i'r person rydych chi'n gofalu amdano.
Cwblhewch y ffurflen gofrestru gan roi manylion y person rydych chi'n gofalu amdano, a hyd at dri pherson enwebedig a all ymateb mewn argyfwng neu amgylchiadau annisgwyl eraill.
Yna byddwn yn prosesu'r ffurflen ac yn anfon y cerdyn atoch, sydd â'i rif adnabod unigryw ei hun. Os bydd digwyddiad annisgwyl neu argyfwng, bydd ein rhif argyfwng ar y cerdyn, a gall y person sy'n ffonio ddyfynnu'r rhif adnabod unigryw i roi gwybod i'n cynghorwyr fel y gallant actifadu cymorth. Byddwn yn galw'r person a enwebwyd i ddarparu cymorth gofal di-dâl dros dro er mwyn osgoi'r risg o ddirywiad neu argyfwng i'r person agored i niwed yn y cartref.
Gallwch chi barhau i gofrestru ar gyfer y cynllun. Mewn argyfwng, byddwn ni’n ffonio’r gwasanaethau cymdeithasol yn awtomatig, a fydd yn ymateb ac, os oes angen, yn gwneud trefniadau eraill.
Dylai'r person enwebedig wybod pwy yw'r person rydych chi'n gofalu amdano a'r gefnogaeth sydd ei hangen arno. Rydym yn cofnodi eu manylion fel y gellir cysylltu â nhw mewn argyfwng os nad ydych yn gallu darparu gofal. Mae'n well os ydyn nhw'n ymwybodol o hyn ac yn cytuno i gysylltu â nhw. Dylent wybod sut i gael mynediad i'ch cartref a beth i'w wneud mewn amgylchiadau o'r fath.
Dylai enwebeion hefyd fod yn ymwybodol o ba feddyg teulu y mae'r person rydych chi'n gofalu amdano wedi'i gofrestru ag ef, ac o unrhyw aelod arall o'r teulu y dylent gysylltu â nhw os caiff eu galw.
Gallwch wneud cais yn gyflym ac yn hawdd trwy lenwi ein ffurflen gofrestru ar-lein, a fydd yn cael ei hanfon yn uniongyrchol at ein tîm. Gwnewch yn siŵr bod gennych ganiatâd y person rydych chi'n gofalu amdano a'r person a enwebwyd. Os yw'n well gennych, gallwch lawrlwytho'r ddogfen PDF yn lle hynny i'w hargraffu a'i llenwi, a'i dychwelyd atom yn y post yn Delta Wellbeing, Eastgate, Llanelli, Sir Gaerfyrddin, SA15 3YF
Cysylltwch ar 0300 333 2222 i roi gwybod am unrhyw newidiadau.
Gellir gweld manylion am gymorth arall a ddarperir i ofalwyr drwy:
Carers Trust Crossroads West Wales: 01554 754957
Adferiad - Gwasanaeth Gwybodaeth a Chymorth i Ofalwyr: 0300 1211 332