Help mewn argyfwng – dydd neu nos
I'r rheiny sydd angen tawelwch meddwl ychwanegol, mae Delta ar ei Ffordd yn cynnig gwasanaeth ymateb corfforol 24/7. Bydd ein hymatebwyr hyfforddedig yn ymweld â'ch cartref, i'ch helpu ar ôl codwm neu argyfwng anfeddygol arall. Maen nhw'n defnyddio offer codi arbenigol, ac yn gwneud yn siŵr eich bod chi'n iawn. Mae hyn yn rhoi tawelwch meddwl i chi a'ch teulu – yn enwedig os ydych chi'n byw ar eich pen eich hun neu'n cwympo'n amlach.
Ar gyfer pwy mae hwn
Pobl sydd mewn perygl mawr o gwympo, sydd â symudedd cyfyngedig neu'n byw ar eu pennau eu hunain, neu deuluoedd sydd eisiau'r sicrwydd y gall rhywun fynd yno'n gorfforol os oes angen.
Beth mae'n ei gynnwys
Dod draw yn gorfforol ar gyfer argyfyngau 24/7, 365 diwrnod y flwyddyn.
Amserlennu yn ôl blaenoriaeth a rhoi cefnogaeth pan fydd rhywbeth yn digwydd
Offer codi arbenigol i helpu i'ch cael yn ôl i fyny'n ddiogel os byddwch chi'n cwympo
Gwiriadau dilynol ac uwchgyfeirio i'r teulu neu'r gwasanaethau brys os oes angen
Sut mae'n gweithio
Os oes angen help arnoch, p'un a ydych wedi cwympo, yn teimlo'n anhwylus neu os oes gennych unrhyw bryder arall, bydd ein tîm yn dod i'ch cartref i ddarparu cefnogaeth. Os ydych chi wedi cwympo, byddant yn helpu i'ch cael yn ôl i fyny'n ddiogel gan ddefnyddio offer codi arbenigol, a gwneud yn siŵr eich bod chi'n gyfforddus cyn gadael. Yn dilyn hynny byddwn hefyd yn cysylltu â'ch teulu neu'r gwasanaethau brys os oes angen.
Beth sy'n gwneud ein tîm ni'n wahanol
Mae ein tîm ymateb wedi'i gofrestru gydag Arolygiaeth Gofal Cymru er mwyn gallu darparu cymorth diogel o safon uchel pryd bynnag y bydd ei angen arnoch. Mae'r holl ymatebwyr:
- Wedi cael hyfforddiant llawn mewn cymorth cyntaf, triniaeth cynnal bywyd sylfaenol, codi a chario, ac ymwybyddiaeth o ddementia.
- Yn gallu gwneud arsylwadau clinigol a gweithio'n agos gyda gweithwyr iechyd proffesiynol i gefnogi eich llesiant.
- Yn meddu ar sgiliau gofal personol a rhoi meddyginiaethau.
Cost
I'w ychwanegu at eich prif gynllun am +£26 y mis
neu talwch yn flynyddol a chael 1 mis am ddim
Argaeledd a gofynion
Ar hyn o bryd mae Delta ar ei Ffordd dim ond ar gael yn Sir Gaerfyrddin a rhai rhannau o Sir Benfro, Ceredigion, Abertawe a Chastell-nedd Port Talbot.
Rydym yn ehangu'r gwasanaeth i ardaloedd newydd drwy'r amser, felly gwiriwch yn rheolaidd i weld a yw eich lleoliad chi wedi'i ychwanegu
Edrychwch isod i ddarganfod a yw Delta ar ei Ffordd ar gael ar eich ardal:
Sir Gaerfyrddin: SA14, SA15, SA16, SA17, SA18, SA19, SA20, SA31, SA32, SA33, SA34, SA35, SA38, SA39, SA40
Abertawe: SA1, SA2, SA3, SA4, SA5, SA6
Castell-nedd Port Talbot: SA7, SA8, SA10, SA11, SA12, SA13
Ceredigion: SA36, SA48
Sir Benfro: SA37, SA41, SA61, SA63, SA66, SA67, SA68, SA69, SA70, SA71, SA72, SA73
Mae angen diogell allweddi ar gyfer ein gwasanaeth Delta ar ei Ffordd er mwyn i'n tîm gael mynediad diogel a chyflym.
Cynnig arbennig
Os ydych chi'n ychwanegu Delta ar ei Ffordd at eich pecyn Delta yn y Cartref/Delta Unrhyw Le ac yn dewis Gwasanaeth Gosod Proffesiynol, byddwn yn darparu ac yn gosod diogell allweddi yn rhad ac am ddim!
Mae'r cynnig hwn yn ei gwneud hi'n haws ac yn fwy fforddiadwy i gadw'ch cartref yn ddiogel tra’n sicrhau bod ein tîm yn gallu eich cyrraedd yn gyflym pan fo angen.
