Helpu i roi gofalwyr ar y map

Mae Wythnos Gofalwyr yn ymgyrch flynyddol i gydnabod a dathlu gwaith caled ac ymroddiad gofalwyr di-dâl ar draws y DU. Y thema eleni yw 'Rhoi Gofalwyr ar y Map' ac mae'n canolbwyntio ar sicrhau bod gofalwyr yn derbyn y gydnabyddiaeth, y gefnogaeth a'r adnoddau sydd eu hangen arnynt i barhau â'u gwaith hanfodol.

Yn Llesiant Delta, nid ydym yn unig yn ymroddedig i helpu gofalwyr, rydym wedi ymrwymo iddo. Rydym yn darparu ystod eang o wasanaethau a thechnolegau i wneud eu bywydau, a bywydau'r rhai y maent yn gofalu amdanynt, yn haws ac yn well, gan roi'r sicrwydd a'r hyder sydd eu hangen arnynt.

Rôl bwysig gofalwyr

Mae gofalwyr yn gofalu am aelodau o'r teulu neu ffrindiau na allant ymdopi ar eu pen eu hunain oherwydd salwch, anabledd neu henaint. Maent yn aml yn gwneud hyn allan o gariad ac ymroddiad. Fodd bynnag, gall gofalu am rywun fod yn flinedig, yn rhwystredig, yn unig ac yn ynysig. Gall nodi fel gofalwr a chael help yn gynnar fod o fudd i iechyd a lles y gofalwr.

Dywedodd Arweinydd Tîm Llesiant Delta, Franki Evans:

"Gall gofalu am rywun arall deimlo'n werth chweil, ond gall hefyd fod yn eithaf anodd ar adegau. Heb i bobl nodi eu bod yn ofalwyr ac yn derbyn gwybodaeth a chymorth yn gynnar, gall arwain at effeithio ar iechyd a lles gofalwyr."

Sut mae Llesiant Delta yn cefnogi gofalwyr

Yn Llesiant Delta, ein nod yw helpu pobl i fyw mor annibynnol â phosibl am gyhyd ag y bo mydd. Gwyddom fod pob sefyllfa rhoi gofal yn wahanol, felly rydym yn cynnig gwasanaethau wedi’u teilwra i anghenion gofalwyr a’r rhai y maent yn eu cefnogi.

Cyngor a chymorth personol

Pan fyddwch yn cysylltu â Llesiant Delta, byddwch yn siarad â chynghorydd â chymwysterau proffesiynol. Byddant yn darparu gwybodaeth, cyngor a chymorth ar iechyd, gofal cymdeithasol a lles. Bydd ein cynghorwyr yn gofyn beth sy’n bwysig i chi a’r person rydych yn gofalu amdano. Mae hyn yn ein helpu i ddeall eich sefyllfa a chreu pecyn cyngor a thechnoleg ymarferol wedi’i deilwra sy’n diwallu eich anghenion orau.

Technoleg arloesol ar gyfer gwell gofal 

Rydym yn cynnig llawer o gynhyrchion y gellir eu cysylltu â pherson yn hytrach na chanolfan fonitro. Mae hyn yn golygu y gellir codi rhybudd i rywun cyfagos. Mae'r hyblygrwydd hwn yn eich galluogi i ddewis beth sy'n gweithio orau i chi, gan roi tawelwch meddwl i chi a chefnogaeth ar unwaith mewn argyfwng. Mae ein datrysiadau technoleg yn cyd-fynd yn ddi-dor i fywyd bob dydd, gan helpu gofalwyr a'r rhai y maent yn gofalu amdanynt i ddod yn fwy annibynnol a diogel.

Cerdyn Argyfwng Gofalwyr: Achubiaeth i ofalwyr yn Sir Gaerfyrddin

Un o'n gwasanaethau allweddol yw'r Cerdyn Argyfwng Gofalwyr. Mae hwn yn wasanaeth rhad ac am ddim i ofalwyr pobl sy'n byw yn Sir Gaerfyrddin. Mae'r cerdyn yn faint pwrs neu waled ac mae ganddo ID unigryw a rhif ymateb brys. Mae'n dweud wrth eraill bod y deiliad yn gofalu am rywun gartref nad yw'n gallu ymdopi heb gymorth. Os yw'r gofalwr yn cael damwain neu argyfwng neu'n ddifrifol wael, mae'r cerdyn yn rhoi gwybod i eraill a'r gwasanaethau brys bod angen help ar y person y maent yn gofalu amdano. Os ydych chi'n ofalwr sy'n chwilio am help neu'n adnabod rhywun a allai elwa o'n gwasanaethau, cysylltwch â ni. Gyda'n gilydd, gallwn sicrhau bod gofalwyr yn cael y gydnabyddiaeth a'r gefnogaeth y maent yn eu haeddu, gan eu galluogi i barhau â'u gwaith pwysig gyda hyder a diogelwch.

Am fwy o wybodaeth ar sut y gall Llesiant Delta eich helpu, siaradwch ag un o'n cynghorwyr cymwys.

Gadewch i ni weithio gyda'n gilydd i wneud gwahaniaeth cadarnhaol i fywydau gofalwyr a'r rhai y maent yn gofalu amdanynt.